天后王菲与谢霆锋分手11年后，忽然喺2014年世纪复合，震惊中港台！之后两人不时被影到孖公仔行动，十足糖黐豆！不过，日前宋祖德喺微博爆料指王菲与谢霆锋已经分手，仲许下豪言话如果消息有误嘅话，就会“直播吃400克狗屎”！

宋祖德仲指王菲自从上年开完演唱会捞金失败后，两人关系每况愈下，佢大爆两人：“最近已签分手协议，有商业上的合作就同时出现。两人走到一起的真正目的，就是为了捞金，老百姓喜欢看八卦。”

有网民质疑两人分手消息嘅真确性，另外亦有人食晒花生表示：“等着看直播吃狗屎。”有网民转贴宋祖德有关博文，谢霆锋得悉后便透过Facebook间接否认消息，佢留言：“期待佢食比（畀）我哋睇！”另外，佢今日亦有更新Facebook，并贴出一张背影相留言：“厨房round3，比（畀）人搞到我头☁（晕）”，疑大呻畀人搞到头都晕埋。

而身为王菲好友、台湾重量级电 影人邱瓈宽，亦有喺社交网回应事件，佢好好火咁话阿菲“爱跟谁合爱跟谁分”都唔关其他人事，仲暗指宋祖德嘅“狗屎论”系污染狗屎，为老友王菲攞番个公道：“王菲爱跟谁合爱跟谁分是又关谁事？狗都会为自已拉的屎负责阿你呢？干嘛要污染狗屎？谁要看喜欢用讲话狗看了都掉眼涙不如狗的人吃狗屎？王菲的感情又关你狗xx事？”

一提宋祖德　谢贤嬲爆嗌收线：佢癫佬嚟

身为霆锋老窦谢贤，未 知是否被气爆了，一听到宋祖德三个字即无 名火起三千丈，激气地说：“唔讲呀，唔讲呀，冇嘢要讲！（你系咪话若果佢哋真系分手，会食双倍呀？）佢癫佬嚟㗎，点解要理佢呢？！唔讲喇！”问四哥若果宋祖德“找数”玩直播，四哥会不会睇？他谓：“唔睇呀，收线啦！”